-17 °С
Салкым
Антитеррор
Вань иворъёс
Новости
2 январь 2022, 19:51

Каймашабашысь шаплы семьяос тол шудонъёсы пыриськизы

1-9-тӥ январе Башкортостанын спортлы но тазалыклы сӥзем ужрадъёс ортчо.

Каймашабашысь шаплы семьяос тол шудонъёсы пыриськизы
Каймашабашысь шаплы семьяос тол шудонъёсы пыриськизы

Туннэ тросаз городъёсын но гуртъёсын «Семьяен тол шудонъёс» ортчизы. Янаул ёросысь Каймашабашын, кылсярысь, отчы покчи классъёсын дышетскисьёс пыриськизы. Кужымзэ эскерыны дас семья мылкыд кариз. Шудонэз дасясьёс соос понна пӧртэм тунсыко конкурсъёс дасяллям. Отын котькинлэсь кужмогес луизы Мардановъёс. Соослэсь ӧжытлы бере кылизы Хайруллинъёс (кыкетӥ инты) но Бурангуловъёс (куинетӥ инты). Вормись семья табере ӵошатсконлэн ёрос этапаз пыриськоз. Вераны кулэ, Мардановъёс кылем арын но гуртазы вормисе потӥзы. Нош ёросысьтызы кыкетӥ интыен бертӥзы.

источник: МБОУ ООШ с. Каймашабаш

Автор:Оля Нигаматуллина
Читайте нас в