Башкортостанын 2021-тӥ ар пумозь 1260 иськем сюресъёсты тупатозы

Республикаын 49 сюрс иськемлы матэ сюресъёс тупатэмын, со пӧлысь 800 иськемлы матэез – федерал сюресъёс. Та лыдпусъёсын Башкортостан Россиын кыкетӥ интыын луэ.  

Радий Хабиров пусйиз, «Безопасные и качественные дороги» национальной проектъя 2021-тӥ арын 237 объектъёсын сюресъёсты тупатӥзы. Солы куать млн манетлэсь трос коньдон висъямын, со пӧлысь 1,7 миллиардэз – федерал бюджетысь. Ар пумозь 1260 иськем сюресэз тупатыны чакламын.

- Асьмелэн ужпумъёсмы трос: ёросъёс куспысь, гуртъёсысь сюресъёсты тупатоно. Быгатэммыя ми ёросъёслы юрттыны тыршиськом, соослы коньдон висъяськом, - гожтэ регионлэн тӧроез.

Радий Хабиров дорожно-транспортной комплексын ужасьёсты ӧнер праздникенызы ӟечкылаз. Туннэ та удысын 28000 адямиос ужало.

Фото:https://ufacity.info/