Юн сюлмо луон котьку юрттэ

Арлыдоос ож сярысь пиналъёслы мадё. Войналы сӥзем выль книгаос печатласько.

Максим гуртысь культура юртын Быдӟым Атыкай ожын вормонлы 75 ар тырмонлы сӥзем «Урок мужества» ужрад ортчиз. Отчы Максим школаысь бадӟым классъёсын дышетскисьёс пыриськизы.

Ужрад максимъёслэн улосчизылэн, РФ-ысь Президентлэн администрациезлэн департаментэныз кивалтӥсьлэн воштӥсезлэн, запасысь юстиция полковниклэн Рафаэль Хакимовлэн кичӧлтэмезъя радъяськиз. Со «Легендарный Маресьев» книгалы сӥземын вал. Солы Р. Хакимов презентация дасяз. Со книгалэн редакционной советаз лыдъяське угось. Выль ужез поттонлы Россилэн Президентэз Владимир Путин дурбасьтӥз. Кунэн кивалтӥсь книгалы азькыл гожтӥз.

Нылпиос сяна, ужрадэ Янаул ёрос администрациысь управделами Р. Р. Фатхуллин, Янаул ёросысь культурая управлениен кивалтӥсь Р. А. Ибрагимов, Янаул ёросысь башкиръёслэн курултаенызы кивалтӥсь Р. З. Яхин но мукетъёс пыриськизы.

Пиналъёслы та пумиськон трос выльзэ, пайдаёзэ сётӥз. Соос огъя малпанэ вуизы: юн сюлмо луон котьку юрттэ.

Фото: https://ok.ru/profile/583934883377/album/812931063089/906561204273