Вормон Салют гуртъёстӥ ортчиз

Со ёросысь гурт поселениостӥ «ортчиз».

Азяк гурт поселениын ортчем конкурсын Мамады гуртын улӥсьёс но асьсэ быгатонлыкъёссэс возьматӥзы, ож аръёс сярысь кырӟанъёс быдэстӥзы, эктӥзы, удмурт калыклэсь «Аран дыр» йылолзэ возьматӥзы.

Кузбай гурт поселениын ортчем ужрадын удмурт лулчеберетэз Алтау гуртын улӥсьёс, «Инвожо» калык ансамбле пыриськисьёс возьматӥзы. Алтауослэсь «Ӝыт пукон» йылолзэс учкисьёс тунсыкъяськыса учкизы.

18-тӥ тулыспалэ фестивалез Тепляк гурт пумитаз. Концертэ байшадыос но пыриськизы. «Туганэ» фольклор ансамбль ужрадэ «Веник керттон» йылолэз дасям.

Касиярово гуртын улӥсьёс «Салют Победы» ёрос фестиваль улсын ортчись «Ож ортчиз – кышкыт аръёс уг вуно» концертэ пыриськизы. Со Тазлар гуртын ортчиз.

Ужрадэ Касияровоысь Быдӟым Атыкай ожысь ветеран Пётр Садырович Тимиряев но пыриськиз. Со «Салют Победы» фестивальлэсь капсулазэ Вострецовской гурт поселенилэн администрациеныз кивалтӥсьлы Манавар Зариповлы сётӥз.

Концертын чузъяськем кырӟанъёс, задор эктонъёс калыклэсь мылкыдзэ ӝутӥзы. Касияровоысь Шариповъёслэсь дуэтсэс но учкисьёс туж шуныт пумитазы.

Фото: http://kultura-buraevo.ru/rajonnyj-festival-konkurs-salyut-pobedy-v-selskom-poselenii-tazlarovskij-selsovet/