Волейболъя турнир ортчиз

Арлы быдэ Татышлы ёросысь Чургулды гуртын, Совето Союзысь Геройёсты М. Бадретдиновез но Г. Саитовез буре вайыса, волейболъя турнир ортче.

Туэ ужрадэ ёросысь вить командаос пыриськизы. Ӵошатсконэз усьтыса вераськизы Татышлы ёрос администрациен кивалтӥсьлэн воштӥсез Ралиф Рахимов, Татышлы ёросысь дышетонъя ёзэтэн кивалтӥсь Адегам Фарвазетдинов, «Планета Спорт» ФОК-лэн кивалтӥсез Насибулла Хуснуллин. Командаос пӧлын ӟырдыт нюръяськон пуромиз. Котькин вормон понна сюлмаськыса шудӥз.

Вормисе потӥз Выль Татышлы гуртлэн командаез. Кыкетӥ – чургулдыос, куинетӥ – Вуж Курдымлэн командаез.

Фото интернетысь басьтэмын.