Анайёсты но ож мышкын тыршемъёсты ӟечкылазы

Алигес таӵе дунъетъёсты Татышлы ёросысь Выль Татышлы гурт поселениын улӥсь мӧйыос басьтӥзы. Жаляса верано, оже пыриськем ветеранъёс пӧлысь улэпъёсыз ӧвӧл ни. 5-тӥ южтолэзе Выль Татышлы шор ёзо школаысь пичи классъёсын дышетскисьёс анайёссылы концерт пуктӥзы. Ужрадэз усьтӥз Выль Татышлы гурт поселенилэн тӧроез Николай Владимирович Рахимьянов. Нылкышноосты нырысетӥ тулыс праздникен ӟечкыласа, сцена доры отиз мӧйы апайёсты но агайёсты. Та ӝытэ юбилейной медальёс басьтӥзы Разия Адисанова, Катифа Садрисламова, Менкизиян Суфиянова, Газиля Гильмиярова, Назип Садриев. Трос кужымзэ камсьӧр удмуртъёс вӧссяськон сямзэс вунэтонтэмлы сётэм дано улосчимылы та нуналъёсы 90 арес тырмиз. Николай Владимирович киысь со медаленыз ӵош пичи кузьым но басьтӥз на. Кузьым басьтӥзы озьы ик туэ анай-атай луэм Уразгильдыысь егит семьяос: Андрей но Альбина Гильмановъёслэн но Дилара но Александр Середниковъёслэн.
Сценкаос, тулыс праздниклы, анайлы сӥзем кылбур, кырӟанъёс, эктонъёс - пичиос концерт номеръёсынызы анайёссэс яратэмзэс но дунъямзэс возьматӥзы.