Ваньмыз вормон понна

Тулыспал толэзь пумын, кылсярысь, «С песней по дорогам войны», «Всё для фронта» ужрадъёс ортчизы. Кыкетӥяз ужрадэ пиналъёс гуртооссэс А. Г. Нуроковаез но Н. М. Гайфуллинаез ӧтизы. Ож кутскыку соослы куать-сизьым арес вылэм. Арлыдоос война аръёсы улэмзы сярысь синвуаськыса мадизы. Соос кыӵе гинэ секытлыкъёсты вормиллямтэ. Тушмонэз вормон сярысь сюлмаськыса улӥллям, жадёнэз валатэк ужаллям.

Дышетскисьёс песяйёслы кузь гумыр, тазалык но шудбур сӥзьыса, асьсэлэсь дасям кузьымъёссэс сётӥзы. Ужрад мур пуштросо, сюлме пыӵамон пӧрмиз. Со крезьгур кузьымъёсын йылпумъяськиз.