Арибаш школаын дышетскисьёс ГТО сётӥзы

«Демография» нацпроектлэн «Спорт – норма жизни» региональной проектэз улсын алигес Арибаш школаын дышетскисьёс ГТО сётӥзы. Соос челночной бызьылонын, кузьдалае тэтчанын, наклонъёс лэсьтонын, мугорез ӝутканын, ӝуткаськонын быгатонлыкъёссэс эскеризы. Школалэн директорезлэн Вакиль Шарифьяновлэн кылъёсызъя (со физкультурая урокъёсты но нуэ), школаын пиналъёслэсь тазалыксэс кыдатонлы трос саклык висъяське. Директорлэн верамезъя, ГТО сётыны лыктэмзылэсь азьвыл нылпиос ГТО.РФ сайтын регистрация ортчиллям, ГТО сётон нормативъёсты эскериллям, тренировкаос ортчытъяллям.

Тодады вайытӥськом: Вылысь Татышлыын Тестированиея центр ужа. Отчы ГТО сётыны мылкыд карисьёс котькудаз четверг нуналэ мыныны быгато.

Туэ Татышлы ёросын огъя 600-лэсь трос адямиос ГТО сётӥзы. Нырысетӥ палар понна 60 адями зарни значокъёс басьтӥз, ньылез – азвесь, сизьымез - бронза.

Фото: Татышлинский вестник