Выль фельдшерско-акушерской пунктъёс национальной проектъя ӝутӥсько

2021-тӥ арын, Башкортостанысь тазалыкез утёнъя министрлэн Максим Забелинлэн кылъёсызъя, 62 вуж фельдшерско-акушерской пунктъёс интые выльёссэ пуктозы. Со понна 229 миллион манет висъямын. Нош 2025-тӥ арозь ваньзэ 448 ФАП пуктэмын луоз.

2020-тӥ арын 94 выль ФАП но куинь модульной врачебной амбулатория ӝутозы. Соин герӟаськем ужъёсты йылпумъяны федерал бюджетысь 269 миллион манет сётӥськоз. Нош 14 ФАП республика бюджетысь коньдонэн (51 миллон манет) ӝутӥськоз.

Максим Забелинлэн верамезъя, муниципалитетъёслэн юрттэмзыя туннэ нуналозь 74 ФАП пуктэмын. Нош отчы оборудованиос басьтон сярысь Тазалыкез утёнъя министерство сюлмаське. Фельдшерско-акушерской пунктъёс «Здравоохранение» национальной проектъя ӝутӥсько.

Туспуктэм: ИА "Башинформ".