Дышетскисьёслы грант сётӥське

«Цифровая экономика» национальной проектлэн «Кадры для цифровой экономики» федерал проектэзъя усто нылпиослы грантъёс сётон понна нырысетӥ шуркынмонозь заявкаос кутозы. Грантлэн быдӟалаез 125 сюрс манет. Грант 2018/2019-тӥ дышетскон арын школаосын яке мукет дышетскон юртъёсын тодон-валан басьтэм егитъёслы (19 арес тырмымтэ ке) сётӥськоз. Со понна дышетскисьёслэсь математикая, информатикая но цифровой технологиосъя вормонъёссэс учкозы.