Выль юртъёс ӝутӥсько, сюресъёс тупатӥсько

Башкортостанын «Жильё и городская среда» национальной проектлэн огъя бюджетэз 1,458 миллиардлы ӵошалоз. Со сярысь ивортӥз республикаысь Ӝутӥськонъя кун комитетэн кивалтӥсь Марат Ахмадуллин. Коньдонлэн бадӟым люкетэз регионысь сюресъёсты тупатонлы, социальной объектъёсты ӝутонлы кошкоз. Туэ, кылсярысь, национальной проектъя Уфа ёросысь Булгаково гуртэ 825 нылпилы чаклам школа ӝутозы, Уфа ёросысь «Инорс» микрорайонын одӥгзэ ульчаез тупатозы.

Башкортостан Республикалэн Тӧроез Радий Хабиров РФ-лэн Президентэзлэн выль Указэзъя улон юрт ӝутон планэз 3,7 миллион квадрат метрозь будэтыны куриз. «Монэ туж сюлмаськыто пичи городъёсын улон юрт ӝутонэн, пӧям дольщикъёсын герӟаськем ужпумъёс», - вераз Радий Хабиров.

Фото: ИА "Башинформ".