+18 °С
Салкым
Антитеррор
Вань иворъёс
Нацпроекты
30 апрель 2020, 12:00

Одӥг нуналэ трос писпу мерттэмын

Кылем арня пумын Янаул ёросын «Зелёная Башкирия» акция ортчиз. Отчы огъя 549 адями пыриськиз. Соос 1534 писпу мерттӥзы.

Трос писпу мерттэмын Шудеклэн «Италмас» микрорайоназ. Со сярысь сюлмаськизы ёрос администрациын, «Геострой» ООО-ын ужасьёс, гурт калык. Соослэн тыршеменызы матысь дыре микрорайонэз 130-лэсь трос пӧртэм писпуос шулдыртозы. Угось та нуналэ мерттэм писпуослэн тросэзлэн ӝуждалазы кык метрлэсь кузь вал.
Выль Варашын акциез Быдӟым Вормонлы 75 ар тырмонлы сӥзизы. Вуж Вараш гурт поселенилэн администрациеныз кивалтӥсь Э. М. Минликузина вконтакте вотэс бамаз гожтэ: «Вуж Вараш гурт поселенилэн администрацияз, культура юртын, библиотекаын ужасьёс гурт калыкен ӵош 75 пуд палэзь мерттӥзы».
Читайте нас: