Нюлэс тылпуэн нюръяськон понна нимысьтыз авиационной патруль кылдытэмын

Башкортостанын, нюлэс тылпулэсь утиськон вылысь, нимысьтыз авиационной патруль кылдытэмын. Соос тямыс маршрутъёсъя ужалозы. Нюлэс хозяйствоя министерстволэн ивортэмезъя, вертолётъёслэн сюресъёсы воштӥськыны но быгатозы. Та нуналъёсы патруль нырысетӥ эскеронъёссэ ортчытӥз ни. Со Уфа-Инзер-Белорецк-Учалы сюрестӥ ортчиз. Татын арлы быдэ сямен нюлэс тылпу шараяське угось. «Нырысетӥез эскерон шумпотымон луиз, нюлэс тылпу шараямын ӧвӧл», - вера республикаысь нюлэс тылпуосын нюръяськонъя центрен кивалтӥсь Айрат Юсупов. Нюлэсъёсты тылпулэсь утьыны «Экология» нацпроектъя висъям коньдон юрттэ.

Нюлэс хозяйствоя министерствоын тодамы вайыто: нюлэс тылпуэз адӟыку котыр сутка ӵоже ужась 8(347)218-14-14 номеро телефонъя ивортоно яке 8-800-100-94-00 номеро телефонъя «пӧсь линиен» герӟаськоно.