Вуоно чемпионъёсты нимысьтыз школаын дасяло

Та нуналъёсы республикаямы «Спортивная школа олимпийского резерва по боксу Республики Башкортостан имени Николая Валуева» усьтӥськиз. Со сярысь Башкортостан Республикаысь Правительстволэн официальной сайтэз ивортэ. «Татысь борддоръёс трос чемпионъёсты будэтыны юрттозы. Соосын Башкортостан гинэ ӧвӧл, быдэс шаермы данъяськоз», - вераз Николай Валуев. Спортивной школалэн выль залаз ньыль тренеръёс 180 спортсменъёсты дасялозы. Нош огъя лыдъяно ке, татын 714 спортсменъёс тазалыксэс кыдатозы, соосын 26 тренеръёс ужалозы. Со республикаямы «Здравоохранение» нацпроектэз азинтыны юрттоз. Сизьыметӥ южтолэзе Николай Валуев нимо спортивной школаын «День бокса» республиканской турнир ортчиз. Отчы Башкортостанысь но Оренбург улосвылысь 10-40 аресъем спортсменъёс пыриськизы.

Туспуктэм интернетысь басьтэмын.