Сюлмаськытӥсь ужпумъёс трос

Башкортостан Республикалэн Тӧроез Радий Хабиров регионысь прокуратуралэн паськытатэм заседанияз пыриськиз. Татын со тужгес сюлмаськытӥсь ужпумъёс сярысь кылпум ӝутӥз. Соос пӧлысь одӥгез национальной проектъёсты быдэстон луиз.

«Республикамес азинтон понна матысь дыре нацпроект улсын ватсаса дасо миллиард манет тыр коньдон висъяно луоз», - вераз Р. Хабиров. Но, Тӧролэн малпамезъя, висъяськем коньдон палэнэ но кошкыны быгатоз. Лушкаськон понна туала вакытэ пӧртэм амалъёс утчало ни угось. Соин Радий Хабиров прокуратураын ужасьёсты сакгес кариськыны, ужазы выль технологиосты кутыны куриз.