Сюрес вылын сак лу

Башкортостанысь кун автоинспекцилэн сайтэз нуналысь нуналэ сюрес вылысь кышкыт учыръёсын тодматэ. 17-тӥ тулыспалэ, кылсярысь, республикаямы сизьым ДТП луэм. Отын дас адями сӧсырмем. Шумпотоно, соослэн улонзы чигымтэ шуыса.

Та нуналэ ик 2400-лэсь трос адями сюрес вылын ветлон куронъёсты тӥям, 22-ез руль сьӧры юыса пуксьыны дӥсьтэм. Шонерзэ вераса, курытсэ веръямзы бере руль сьӧрын пукисьёсын ГИББД-ын ужасьёс ӵемысь пумиськоно луо. 16-тӥ тулыспалэ, кылсярысь, соос куронъёсты тӥяса «лобись» «Лада-Приора» машинаез синйылтӥллям. Руль сьӧрын пукись пиосмуртэз дугдыны куриллям ке но, со сюрессэ азинтэм. Пиосмуртлы пегӟыны ӧз кылды, сое дугдытӥзы. Берло тодмо луиз: Кушнаренко ёросын улӥсез юыса руль сьӧры пуксемез понна одӥг пол кыл кутытӥллям ни вылэм. Озьы ке но пиосмурт урод сямзэ вормымтэ. Курыт юонэн эшъяськисьёс руль сьӧрын пукизы ке, республикаысьтымы кивалтэтлэн нокыӵе проектэз сюрес вылын калыклэсь улонзэ утьыны уз юртты.

Туспуктэм интернетысь басьтэмын.

Читайте нас:

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91