Башкириын африканской сомъёсты будэто

Нуриман ёросысь Чурашево гуртысь Эльвир Габдуллинлэн Башкир кун аграрной университетын дышетскыкуз ик мраморной чорыгъёсты йылэтон малпанэз вылэм. Со сярысь гожтэ «Красный Ключ НурИман» газет.

Нырысь Э. Габидуллин осётръёсты будэтон сярысь малпаськем. Чорыгъёсын ужан сярысь трос лыдӟиськем, мукетъёсын кенешем. Со валам – чорыг йылэтыса, трос табыш пыртыны луэ шуыса. «Асьме дорын осётръёсты будэтыны секыт вылэм. Соин сом будэтыны малпамы», - вера Эльвир.

Сом асьме дорын но пумиське. Малы африканоской сом шуоды? Африканской сомлэн сӥлез мултэс воё ӧвӧл, вубуртчин (тина) зыныз, пе, ӧвӧл.

Сомъёслы мини-ферма ӝутон понна Э. Габидуллин «Малое и среднее предпринимательство и поддержка индивидуальной предпринимательской деятельности» нацпроект улсын кун программаен пайдаяськем. Кун юрттэтэн ик пайдаяськем фильтръёс но 500 малёкъёс басьтыкуз.

Егит фермерлы ужаз Рузиля кузпалыз юрттӥське. Гужем Габидуллинъёс индоуткаосты, бройлеръёсты будэто. Мылкыд ке вань, котькыӵе ужез вормыны луэ.

ФОТО С САЙТА https://apkrb.info/press-service/news/v-bashkirii-razvodyat-afrikanskih-somov