Бурайын выль нылпи сад усьтӥськиз

Бурайын «Йэйгор» выль нылпи сад усьтӥськиз. 95 нылпилы чаклам нылпи сад «Демография» нацпроект улсын «100 объектов – к 100-летию Башкортостана» программая ӝутэмын.

Нылпи садэз усьтонэ БР-ысь дышетонъя министрлэн нырысетӥ воштӥсез Ильдар Мавлетбердин, Бурай ёрос администрациен кивалтӥсь Рустам Исхаков, БР-ысь Кун Собранилэн – Курултайлэн депутатэз Рамзил Низаметдинов, «Геострой» ООО-лэн генподрядчикез Рустам Хажиев пыриськизы.

Кык этажъем нылпи садын вить группа лыдъяськоз. Кыкез – ясли: кык толэзьысен куинь аресозь пичиос понна. Зданиын шудон но кӧлан висъетъёс,спортивной но музыкальной залъёс, эмчилэн висъетэз, пищеблок вань. Со сяна, нылпи садэ психологлы но логопедлы висъетъёс лэсьтэмын. Педлон но нылпиослы шудыны луонлыкъёс кылдытэмын.