Нуны витись анай-атайёсты пичизылы ним быръён тужгес сюлмаськытэ

Дунне вылын кыӵе гинэ нимъёс уг пумисько. Кема ӧвӧл Байрамбике ним вань шуыса тодӥ. Нуны витись анай-атайёсты пичизылы ним быръён тужгес но сюлмаськытэ. Тросэз аспӧртэм ним утчало. Берло дыре вашкала нимъёсты быръён модаын. «Башинформ» гожтэ, кыӵе аспӧртэм нимъёсты быръё Башкортостанын улӥсь анайёс но атайёс вордӥськем нуныоссылы. Пиоссылы Кемаль, Эльверт, Воислав, Нисо, Ниль, Марек нимъёсты сётӥллям, нош нылъёслы – Имани, Района, Жанетта, Арья, Захра, Кассиопия.

Республикамы «двойной» нимо нылпиослы но узыр: Александра-Эмилия, Александра-Амалия, Али-Жан, Руслан-Амаль, Мухаммад-Язид, Марк-Ямач, Эрнест-Текин, Абдул-Керим.

Башкортостанын пиос пӧлын «популярной» луиллям Амир, Эмиль, Артур, Арслан, Артём, Тимур, Кирилл, Роман, Александр, Даниил, нош нылъёс пӧлын – Полина, Дарья, Карина, Амина, Самира, Диана, Алиса, София, Елизавета но Мария. Тужгес шер быръёно нимъёс – со Юлай, Урал, Шакир, Латифа, Ислам, Сюмбель, Серафима, Варвара, Тихон, Архип, Гульбану, Марьям, Айтуган, Фархат но Ерм.