Жуг-жаг нуллон: кызьы кутскиз но азинтӥське

Паймиськиз бускельёсмы дорын, Куеда ёросысь Барабан гуртын, сюрес кузяысь котькуд юрт вӧзы поттылэм пакетъёслы. Жуг-жаг тырон контейнеръёсын отын уг пайдаясько на. Милям та уж ӟеч радъямын ни, дыраз бушатон но умой мынэ. Тол куазен жаг нуллись машинаослэн ёросысьтымы котькуд гуртысь жаг поттонзы пӧртэм шуг-секытъёсын герӟаськемын ке но: лымые выён яке мукет. Алигес гинэ синйылтӥсыӵе машинаез сюрес урдсысь кыскыса поттэмзэс.
Туэ жуг-жаг "платёжка" нош дуногес луиз. Сое герӟано, дыр, нырысь ик бензинлэсь дунзэ йылтэмзылы. Тросэз толалтэ жагъёссэс контейнеръёсы нуыса уг вутто, дыр. Мешокъёсы люкаса, гидъёсазы яке мукет интыосазы возё. Озьы но, коньдон тыроно. Закон - со закон.