Альгаын улӥсьёс проектэ пыриськыны малпало

Альгаын дас куать юрт лыдъяське. Отын 38 адями улэ. Альгаос ППМИ сярысь ӟеч тодо: соос туэ гурт поселениысьтызы тылпу кысон машиналы гараж ӝутонэ пыриськизы. Коронавирусэн сэрен, альгаослэн собранизы ульчаын ортчиз. Вань эпидемиологической куронъёс чакламын вал.

- Собрание кызь адями пыриськиз. Альгаосты гуртазы газ кыскон, ӵыпет лэсьтон, сюресъёссэс тупатон, ульчаоссэс югдытон ужпумъёс тужгес сюлмаськыто, - вера Улысь Балтач гурт поселенилэн администрациеныз кивалтӥсь Э. Б. Рахимзянов. – Та дыре Альга урамысь юбоосы тыл лэсьтэмын ни.

Альгаын улӥсьёс собраниын та дырозь мукет гуртъёсын ӝутымтэ ужпумез но ӝутӥзы – пенсионеръёслы корказэс шунтыны пуэн юрттоно, пе. Со сяна, гуртэ нуись сюресэз но урамъёсты толалтэ дыраз усьянлы саклык висъяны куризы. Собрание пыриськыны быгатымтэ адямиосын опрос радъямын. Матысь дыре Альгаын ППМИ-лы сӥзем итоговой собрание ортчытыны чакламын.