+13 °С
Салкым
Антитеррор
Вань иворъёс
Интыысь аскивалтэт
1 апрель 2020, 14:10

Сюлмысь тыршемлэн емышез узыр

Сюрес качак музъеме вуттӥз

Бадӟым Качак гурт поселенилэн сельсоветэз 1930-тӥ аръёсы кылдэм. Отчы ньыль удмурт гуртъёс – Бадӟым Качак, Кургак, Качкин-Турай, Чиндэр – пыриллям. Кивалтӥсе Туктамыш Камалитдиновез юнматӥллям, секретаре - Шакир Камаловез.
Та дыре Бадӟым Качак гурт поселениын ньыль удмурт гуртъёс сяна, Кугарчин но Нарат бигер гуртъёс лыдъясько на. Гуртъёсын огъя 1361 адями улэ. 2011-тӥ арысен гурт поселенилэн администрациеныз Геннадий Хайдаршин кивалтэ.
Та ужаз вуытозь, Геннадий Дмитриевич гурт удысын тыршем. Челябинск улосвылысь Миасскоеысь «Красноармейский» совхозтехникумын дышетскыса, со шаермес утисьёслэн радазы вуэм. Геннадий Дмитриевич военно-морской флотэ шедем, подводной лодкаын уясьёс пӧлын вылэм. Куинь ар куспын со кык пол «дальний походын» луэм.
- Дальний поход - со 80 сутка ӵоже ву улын луон. Сое «автономка» нимало на. Службаез йылпумъяса бертон азьын веразы, мон огъя 385 суткаме ву улын ортчытӥськем, - вера Геннадий Дмитриевич.
Армиын ортчытэм аръёсыз ик кивалтӥсез кыдатӥллям, лэся, чидась, секытлыкъёслы сётскисьтэм, ас азяз зол куронъёс пуктӥсь луыны дышетӥллям. Геннадий Дмитриевич кутскем ужзэ одно ик быдэстыны дышемын. Солэсь ужзэ калык но дунъя, кивалтэт но синйылтытэк уг улы. 2018-тӥ арын, кылсярысь, Геннадий Дмитриевичлэсь ужзэ Башкортостанысь Кун Собранилэн-Курултайлэн Данъян грамотаеныз пусйизы, нош туэ тулыспалэ - «Удмурт кенеш» огазеяськонлэн Тау карон гожтэтэныз.
(Быдэсак материалэз газетмылэн вуоно номерысьтыз лыдӟе).
Читайте нас: