+19 °С
Салкым
Антитеррор
Вань иворъёс
Интыысь аскивалтэт
6 ноябрь 2019, 16:30

Улысь балтачъёслэн проектсы - финалын

Берло аръёсы калыклэн юрттэт возьматэмезъя трос ужъёс быдэстӥсько. «Программа поддержки местных инициатив» проект но азинлыко ужа.

Россиысь Калыкъёслэн кичӧлтонъёссыя комитет арлы быдэ конкурс ялэ. Отчы калыклэн куронъёсызъя быдэстӥськем проектъёсты куто. Туэ конкурсэ 37 регионъёсысь 380 заявкаос сётӥллям. Тужгес трос заявкаос ыстэмын Башкортостанысь: республикамы 90 проектъёссэ возьматэм, 25-ез проект конкурслэн нырысетӥ турез пыр ортчем: соосты куара сётон амалэн бырйизы.
Конкурсын Башкортостанысь куать проект финалэ потэмын. Куинез проект спортобъектъёс ӝутонлы сӥземын, куинез – улон луонлыкъёсты ӟечомытонлы. Соос пӧлын – Татышлы ёросысь Улысь Балтач гурт поселенилэн проектэз. Сӥзьыл но тулыс, гужем зорыса улыку, Улысь Балтачысь «Набережная», «50 лет Октября» но «Новая» урамъёсы машинаен пырыны уг луы вал. 2018-тӥ арын, калыкен ӵош кариськыса, «Программа поддержки местных инициатив» проектъя, та ульчаосты тупатӥзы.
Кыӵе проектъёс конкурсын вормозы, тодмо луоз 30-тӥ шуркынмонэ: вормисьёсты Быдэсросси гражданской форумын «Общественное партнёрство», «Общественное участие» но «Самый оригинальный проект» номинациосъя пусъёзы. Нырысетӥ номинациын лыдэ басьтӥське калыклэн но спонсоръёслэн юрттэт возьматэмзы, кыкетӥ номинациын – макем трос калык проектэ пыриськем, куинетӥ номинациын – выль ужан амалъёс но креативность.
Конкурсын вормисьёсты коньдон кузьымен пусъёзы. Со коньдонэн азьпалан быдэстоно проектын пайдаяськыны луоз.
Читайте нас: