Фольклор праздник калыкъёсты огазеяз

Кылсярысь, кылем арняе Башкортостан Республикаысь калыкъёслэн йӧскалык дӥськутсылэн нуналэз улсын Бурайын «Бураевские узоры» фольклор праздник ортчиз. Отчы башкир, бигер но удмурт коллективъёс люкаськизы. Соосты пумитаса ёрос администрациен кивалтӥсьлэн нырысетӥ воштӥсез Гемир Нуртдинов вераськиз. Кивалтӥсьлэн кылъёсызъя, Бурай ёрос калыкеныз данъяськыны быгатэ. Татын тужгес но тыршыса ужась калык улэ. Со празднике люкаськемъёслы капчи мылкыд, азьпалан но тупаса но эшъяськыса улон сӥзиз.

Фольклор ужрад ёросын улӥсь калыклэсь сям-йылолъёссэ, лулчеберетсэ паськыт возьматыны быгатӥз. Йӧскалык сиён-юонъёсын ӝӧкъёс, шунды шорын кисьтаськись дӥськутъёс праздниклы аспӧртэм шӧм пыртӥзы.

Праздникын удмурт калыклэсь узырлыксэ Алтау, Байшады но Мамады гуртысь ансамбльёс возьматӥзы. Соосын быдэстэм шулдыр удмурт  гуръёс котыр чузъяськизы, люкаськем калыклэсь мылкыдзэ ӝутӥзы.

Бадӟым фольклор праздникез «Хоровод Единства» ваче ки кутскыса эктон йылпумъяз.

Фото: Мамадинский сельский клуб Бураевского района