«Звонкий каблучок» конкурслэн йылпумъянъёсыз тодмо луизы

  Отчы Янаул ёросысь дышетскон юртъёсысь 50-лы матэ коллектив вуиз. Удмурт школаосысь, нылпи садъёсысь пиналъёс но отчы мыло-кыдо пыриськизы. Пӧртэм номинациосын чебересь эктонъёссэс, кылсярысь, Вуж Варашысь, Сандугачысь, Каймашабашысь коллективъёс возьматӥзы. Та нуналъёсы конкурсын вормисьёс тодмо луизы.

Нырысетӥ возрастной категориын (5 аресозь пиналъёс) кыкетӥ но куинетӥ интыосын луизы Каймашабашысь пиналъёс (кивалтӥсьсы Миншарапова Л. В.). Татысь школаын дышетскисьёслэн ансамбльёссы кыкетӥ возрастной категориын (6-8 аресъем пиналъёс) нырысетӥ интыын луизы (кивалтӥсьсы Садиуллина Е. Ф.). Нош куинетӥ возрастной категориын (9-11 аресъем пиналъёс) нырысетӥ инты понна шумпотӥзы Вуж Варашысь эктон ансамбль (кивалтӥсез Ахметгараева С. Г.) но Сандугачысь «Зангари» коллектив (кивалтӥсез Ямаева Л. А.). Вуж Вараш школаысь коллектив 12-14 аресъем эктӥсьёс пӧлын но нырысетӥ интые потӥз (кивалтӥсез Ахметгараева С. Г.). Та категориын кыкетӥ интыен пусйизы Сандугачысь «Танцуй» коллективез (кивалтӥсез Алексеева Г. М.). Ансамбльёсты «Эстрадный танец», «Современная хореография», «Народный танец», «Военный танец» номинациосъя дунъязы.