Лулчеберетлэн адскисьтэм нюжаосыз бордазы кыско

Ирина Шайхлисламовалэн улонэзлэн 39 арез культура юртэн герӟаськемын. Со – пуньыен шудӥсьёслэн «Русский сувенир» образцовой коллективенызы но «Рябинушка» калык ансамблен кивалтӥсь.

Ирина Абзатовна школаын дышетскыкуз ик кырӟаны, эктыны яратэм. Школаез йылпумъяса, Ижевскысь культурая училищеын дышетскем. Соку ик Удмуртиысь «Зангари» ансамбле ветлэм. Крезьгур дуннее выль вамышъёс лэсьтӥсь егит нылаш шуг-секытъёсын нюръяськыны но, вормонъёслы шумпотыны но отын дышем. «Зангариысен» со быръем ӧраз вамыштэм.

Культура удысын ужатозяз, Ирина Абзатовна пӧртэм ужрадъёс дасям, олокӧня конкурсъёсы, фестивальёсы вуылэм, грантъёс басьтылэм. Солэн вормонъёсыз трос люкаськемын. Данъян грамотаосыз, тау карон гожтэтъёсыз, дипломъёсыз лыдъяса быдтонтэм.

(Быдэсак материалэз лыдӟе газетмылэн 11-тӥ номерысьтыз).