Дэрем вурисьёс дорын

«Дӥськут дизайн» ӧрез вить нылъёс бырйиллям. Лагерь йылпумъяськытозь, соос асьсэлы башкир удмуртъёслэсь дэремзэс вуризы. Соосты та ужлы дышетӥз Дарали Лели. Со «Усточикарын» ньылетӥ ползэ ужаз ни.

- Та ӧрез быръемъёс пӧлын вуриськон машина сьӧры нырысьсэ пуксемъёс но вань. Но нылъёс ӟечокъёс. Ваньзэ ӝог валало, тыршыса ужало, - вера Дарали Лели. - Тырмымтэос но вань. Кылсярысь, вуриськон машинаос умой уг ужало, тӥясько. Нылъёслэн сьӧразы ваем куд-ог материалъёссы дэремлы чакламын ӧвӧл. Нош сцена вылын вамышъян, быгатыса дӥськутэз возьматон ласянь шуг-секытъёс ӧвӧл. Нылъёслэн ваньмыз умой пӧрме.  

Нылъёслэн вурем дэремъёсынызы лагерез ворсан ужрадын тодматскыны луиз. Ӧрен кивалтӥсьлэн кылъёсызъя, соку удмурт дэремъёсын дефиле луиз.  

- Ма со тӥ понна «Усточикар»?

Та юанлы валэктон сётӥзы «Дӥськут дизайн» ӧрез быръемъёс но кивалтӥсьсы. 

Дарали Лели: «Усточикар» - со удмурт шӧме выльысь берытскон». 

Ангелина Милитдинова: «Усточикар» - со воштӥськон вакыт». 

Полина Гараева: «Усточикар» - со эшъёс».

Яна Попова: «Усточикар» - мынам нырысетӥ лагере». 

Элина Хатыпова: «Усточикар» - со яркытэсь тодэваёнъёс». 

Василина Гарипова: «Усточикар» - со югыт вуоное сюрес».