Бадӟым Туганеевоын «Вӧй келян» регионъёс куспысь фестиваль ортчиз

Башкортостанын 2019-тӥ арысен «Трезвое село» республика конкурс радъяське. Калтасы ёросысь Бадӟым Туганеево отчы кыкетӥ арзэ ни пыриське. Со улсын гуртын пӧртэм ужрадъёс ортчыло, бадӟымесь ужъёс быдэстӥсько.

Туннэ, куинетӥ мартэ, туганеевоос трос куноосты пумитазы: гуртазы «Вӧй келян» регионъёс куспысь фестиваль радъяськиз. Отчы Башкортостанысь Бурай, Илиш, Янаул, Калтасы ёросъёсысь, Удмурт Элькунысь но Пермь шаерысь куноос, удмурт ансамбльёс вуизы. Котькудзы соос крезьгур кузьымъёссэс ваиллям.

Фестиваль улсын «Бэйге» ӵошатскон но ортчиз. Отын Калтасы ёрослэн, Бадӟым Качак гуртлэн но Пермь шаерысь Куеда ёросысь Бадӟым Гондыр гуртлэн командаоссы нюръяськизы. Соос пӧртэм эскеронъёс пыр потӥзы. Кужмогес луизы бадӟым качакъёс. Кыкетӥ интыын – гондыръёс, куинетӥ интыын - Калтасы ёрослэн огазеям командаез.

Автор:Алексей Самирзянов

Читайте нас:

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91