Сям-йылолъёсмы мед утиськозы

Котькуд коллективлэн выступленияз вашкала «шӧм» пыӵамын вал: соос азьвыл сям-йылолъёсты яркыт возьматӥзы.

«Дуно марӟанъёс» фестивале Ермекей ёросысь Купченей гуртысь «Зангари» удмурт калык ансамбль пыриськиз. Соин Галина Христофорова кивалтэ. Зангариос «Ӵӧжы табань сиён» йылолэз возьматӥзы.

Пермь шаерысь Куеда ёросысь Кипчак гуртысь «Зангари» ансамбль (кивалтӥсез Галина Шараева) «Ӝыт пукон» йылолэн тодматӥз.

Калтасы ёросысь Вылысь Тыхтем гуртысь «Ингур» калык ансамбль (кивалтӥсез Илюза Камидуллина) учкисьёслы «Пуӵы ньӧр» йылолэз возьматӥз.

Янаул ёросысь Андреевка гуртысь «Зангари» калык ансамбль (кивалтӥсез Ралия Гафиуллина) «Вало но возь вылын» композиция дасям вал.

Бурай ёросысь Алтау гуртысь «Инвожо» калык ансамбль (кивалтӥсез Ирина Шарафутдинова) «Ву дурын палас миськон» йылолэз возьматӥз.

Балтач ёросысь Асавка гуртысь «Чибориё» ансамбль (кивалтӥсез Светлана Миндиярова) «Ӝыт пукон» йылолэз возьматӥз.

Татышлы ёросысь Уразгильдыысь «Дэмен» коллектив (кивалтӥсез Виктория Кирьянова) фестивале «Веник керттон» йылолэн лыктэм вал.

Ирина Тимирхановаен кивалтоно Калтасы ёросысь Бадӟым Качакысь «Зангари» калык ансамбль «Выждэра миськон» йылолэз возьматӥз.

Радик Нигиевен кивалтоно Янаул ёросысь Вуж Варашысь «Югдон» калык ансамбль «Ӝыт юмшан» йылолэз возьматӥз.

Татышлы ёросысь Кызыл-Яр гуртысь «Марӟан» калык ансамбль (кивалтӥсез Факина Галимьянова) «Гондыр эктытон» йылолэз дасям вал.

Татышлы ёросысь Калмиярысь «Танып» коллектив(кивалтӥсез Индира Шайсламова) «Нуны сюан» йылолэз возьматӥз.

Татышлы ёросысь Вязовкаысь «Уӵы ныл» калык ансамбль (кивалтӥсез Фанил Нуриахметов) «Вӧй» йылолэз возьматӥз.

Воткинск ёросысь «Купанча» калык ансамбль (кивалтӥсез Т. Н. Абрамова) анаймуртлэсь ортчем улон сюрессэ яркыт возьматӥз.

Татышлы ёросысь Выль Татышлыысь «Шулдыр ӝыт» калык ансамбль (со дыре кивалтӥсез Зульфира Зарипова) «Корка туй» йылолэз дасям вал.