«Соцветие дружбы» - Илиш ёросын

Со тулыспал толэзьысен шуркынмонозь кыстӥське. «Творческой марафон республикамылэн котькуд ёросаз вуоз. Со улсын ансамбльёс, коллективъёс «калык» но «образцовой» нимзэс утё. Сцена вылысь башкир, бигер, ӟуч, мордва, удмурт, пор, чуваш но мукет ансамбльёслэсь выступлениоссэс учкыны луоз», - верало республикаысь Калык творчествоя центрын.

Туэ «Соцветие дружбы» ужзэ Бирск ёросысен азинтӥз. Фестиваль оштолэзе  калтасы но янаул музъеме вуиз. Калтасы ёросысь Вылысь Тыхтемысь «Ингур» но Бадӟым Качакысь «Зангари», Янаул ёросысь Вуж Варашысь «Югдон» но Андреевкаысь «Зангари» калык коллективъёс но фестивале пыриськизы, «калык» нимзэс утизы.

Куарусён толэзе фестиваль Татышлы но Бурай ёросъёсын ортчиз. Коньывуон толэзьлэн шораз фестиваль Ермекей ёросэ вуиз. Нош 21 коньывуонэ со Илиш ёросын радъяськиз.

Илиш ёросын фестивале Ташкичи гуртысь «Пинал сюлэмъёс» удмурт калык ансамбль но пыриськиз, «калык» нимзэ утиз.

Фото: Ташкичинский СК