+14 °С
Салкым
Антитеррор
Вань иворъёс
Лулчеберет
22 Октябрь 2022, 00:10

Гожанысь клубын куараос чалмытскыса уг уло

Гуртын улӥсьёслэн улоназы клубъёс, культура юртъёс бадӟым инты басьто. Татын пӧртэм ужрадъёс, концертъёс радъясько угось. Калык клубе шутэтскыны лыктэ.

Гожанысь клубын куараос чалмытскыса уг уло
Гожанысь клубын куараос чалмытскыса уг уло

Куеда округысь Гожанысь клубын но куараос чалмытскыса уг уло. Татчы шумпотыса вуо гуртысь пичиос но, бадӟымъёс но. Гуртысь «Пинал сюлэм» ансамбле пыриськисьёсты пӧртэм ужрадъёсысь пумитаны луэ. Гуртазы ужрад ортчытонлэсь но соос ноку палэнэ уг кылё.

Толон командировкае Гожанэ вуылӥм, клубен кивалтӥсен Людмила Шаяхметоваен пумиським. Та ужаз со одӥг арлы матэ тырше. «Уже сюлэмылы туж матын. Татын мон лулыным шутэтскисько, шуыны луоз. Ансамбле ветлӥсьёс но, пиналъёс но клубе шумпотыса вуо. Соос мыным котьмаин юрттӥськыны тыршо», - вера Людмила Вячеславовна.

Клубын ужасьлэн мӧзмыны дырыз ӧвӧл. Арнялы быдэ сямен кы4е ке но ужрадъёсы пыриськыны вазё. Кылсярысь, кема ӧвӧл гожанъёс «Ветеранское подворье» ёрос ужрадлэн финалаз пыриськизы. «Вуоно арня пумын Екатеринбурге «Эгес» огазеяськонлэн ужрадаз мыномы. Нош 4-тӥ ноябре Пермьысь «Губерния» калык творчествоя юртэн радъяно фестивале пыриськомы», - шуэ Людмила Шаяхметова.

21-тӥ октябре Гожанын «Рукам – работа, душе - праздник» ужрад ортчиз. «Пинал сюлэм» коллективе ветлӥсьёс отчы киужъёсынызы вуизы. Соос мобилизацие шедемъёслы шуныт ныросъёс, пӧзьыос керттӥзы. Ужрад пумысен Людмила Вячеславовна вотэс бамаз гожтэ: «Спасибо всем участникам за то, что украсили своими работами нашу выставку, вложили в мероприятие частицу своей души, посвятили время. Все изделия были яркими, запоминающимися, каждое из них чем-то удивляло, заставило задуматься и восхититься автором, его талантом и мастерством исполнения. Желаю не остановливаться на достигнутом, - новых вам творческих достижений!»

Автор:Миляуша Булатова
Читайте нас: