+1 °С
Лымы
Антитеррор
Вань иворъёс
Лулчеберет
17 Октябрь 2022, 20:56

Калтасы ёросын «Созвездие дружбы» фестиваль-конкурс ортчоз

Калтасы ёросын аръёс, дауръёс ӵоже 20-лэсь трос пӧртэм калыкъёс – ӟучъёс, башкиръёс, бигеръёс, поръёс, удмуртъёс но мукетъёс - эшъяськыса уло.Ёросысь 11 гурт поселениосын 3170 нылпиос, 1134 быдэ вуымтэ пиналъёс лыдъясько.

Калтасы ёросын «Созвездие дружбы» фестиваль-конкурс ортчоз
Калтасы ёросын «Созвездие дружбы» фестиваль-конкурс ортчоз

 Жаляса верано, котькытын сямен, Калтасы ёросысь нылпиос но калык сям-йылолъёссэс, лулчеберетсэс, анай кылзэс вунэто.  Кылем арын татын поръёслэн «Ший кандыра» фестивальзы ортчиз. Отчы пыриськыны шаермылэн пӧртэм сэрегъёсысьтыз 26 заявка вуиз. Соос пӧлысь ньылез нылпи коллектив луиз. Фестивальын Калтасы ёросысь нылпиослэн кык коллективзы быгатонлыксэ возьматӥз. Соин ёросысь культура удысын тыршисьёс та ужпум пумысен мур малпаськонэ усизы. Озьы соос культурной инициативаосъя президент фондэ вазиськизы, йӧскалык культураосъя «Созвездие дружбы» фестиваль-конкурс ортчытыны проект дасязы.

Быдэстэм ужзы юнме ӧз луы, проектсы вормисьёс пӧлын луиз.Табере соос 11 нылпи коллектив кылдытыны малпало. Озьыен, котькуд гурт поселениын нылпи ансамбль луоз. Отын 7-16 аресъем пиналъёс кырӟалозы но вералозы. Фестиваль-конкурсэз 2023-тӥ ар кутсконын ортчытыны малпало.  

Автор:Оля Нигаматуллина
Читайте нас: