Илиш ёросын калык творчестволэн жанръёсызъя «Наследие предков» семинар ортчиз

Ужрадэ  Бакалы, Дюртюли, Мишкино, Татышлы, Шаран, Илиш ёросъёсысь культура удысын тыршисьёс пыриськизы. Соосты пумитаса вераськиз Илиш ёросысь культура ёзэтэн кивалтӥсь Рустам Ахмадеев. Семинарын «Народные праздники народов Республики Башкортостан» докладэн вераськиз филология наукаосъя доктор Р. А. Султангареева. Со «Постановки праздников и обрядов на сцене» научно-практической занятие но ортчытӥз.

Семинарлэн кыкетӥ люкетаз творческой лабораториосъя секциос радъяськизы. Отын поръёслэн историяя но культурая центрысьтызы валтӥсь ӧнерчи А. Ибулаев поръёслэн сям-йылолъёсынызы но калык крезьгуро инструментъёсынызы тодматӥз. Нош удмуртъёслэн историяя но культурая центрысьтызы валтӥсь ӧнерчи И. Самигулова удмурт калык костюмен тодматӥз. Калык творчествоя республика центрысь фольклоръя валтӥсь ӧнерчи, БР-ысь культура удысысь дано ужась Г. Баймурзина башкиръёслэн историяя но культурая центрысьтызы валтӥсь ӧнерчиен Г. Нуриеваен ӵош «Традиционный башкирский и татарский костюмы» секциын ужазы.

Семинаре Илиш ёросысь Ташкичиысь «Пинал сюлэмъёс» калык ансамбль но пыриськиз.