Ошмес
+6 °С
Облачно
75 лет Победы
Вань иворъёс
Лулчеберет
18 апрель , 12:50

Выль "Дэменлы" - паськыт инвисъёс

Алигес Татышлы ёросын фольклор фестиваль ортчиз. Ӵапак та конкурсэн йырин Уразгильды гуртын выль коллектив кылдӥз. «Дэмен» нимаськись ансамбль фестивальын ӵӧжи сиён йылолэз возьматӥз. Дэменъёсты «За сохранение удмуртских традиций» номинациен дунъязы. Нош кыӵе мылкыдын но кыӵе малпанъёсын уло меда али выль коллективлэн ёзчиосыз нырысетӥ выступлениоссы бере? Вазиськи солэн кивалтӥсезлы – Виктория Кирьяновалы.

- Виктория, кызьы кылдӥз малпан Уразгильдыысь апайёсын коллектив кылдытыны?
- Мон ачим Балтач ёросысь Асавка гуртысь ке но, Уразгильдыысь апайёсыз ваньзэс тодӥсько, тросэз аслам ӵыжы-выжыосы луо. Ӵужапае доры мыныса вераськи, кызьы тӥ, сыӵе мыло-кыдоесь асьтэос, котькытчы вуиськоды, пыриськиськоды, нош кивалтӥсьты ӧвӧл, коллектив люкам ке, ветлӥсь луоз-а шуыса юай. Монэ оскытӥзы, ветлозы шуыса. Озьы люкаським нырысь ваньмы куать кузя, фестивальлэсь положенизэ возьматӥ, ӵӧжи сиён йылолэз возьматом шуыса кенешим. Соин выступленимылы «Самовардэ пукты али» кырӟан бырйим. Кыкетӥ выступленимы Выль Татышлыын «Шулдыр ӝыт» ансамбльлэн юбилеяз луиз, отын сизьым кузя вал ни. Эшшо но лыктыны мылкыд карисьёс вань на. Оскисько, ваньмыз пӧрмоз.
- «Дэмен» - со Уразгильды гуртлэн территорияз ужась хозяйстволэн нимыз. Нош тӥляд, выль коллективдылы таӵе ним бырйыса, кыӵе малпанды вал?
- Вань ук сыӵе веран: «Кораблез кызьы нималод, со озьы ик уяса кошкоз». Ми но сыӵегес ним быръёно шуим. «Дэмен» - со ӵош, валче шуэм ук. Макем трос калык бордамы луоз, сокем умой. Удмуртлыкмес, сям-йылолъёсмес утьыны, возьматыны быгатӥм ке, оло, кыӵе ке оскон кылдоз дыр ортчемъя, репетициос ортчытъяны асьмелэн помещенимы луоз, гуртысь клубез но усьтозы шуыса. Нош али ми котькудзэ репетицимес Зоя Риянова дорын ортчытӥм. Со понна солы туж бадӟым тау кылъёсмес вераськом.
- Кыӵе матысь планъёсты?
- Али гинэ кутским ай ужаны, но котькытчы ӧтё ини. Ёрос культура дворецлэн сценаяз нырысь кышкаса потэм апайёс бурдъяськизы, быгатонлыкъёссылы, асьсэ кужымзылы оскизы. Ижевске, Чайковские, Казанчие ӧтизы ини. Школаысь нылпиосын но кусып тупатэмммы потэ.
- Тау бадӟым, Виктория, вераськемедлы. Выль коллективдылы паськыт уян вуос. Вань малпанъёсты мед быдэсмозы.