Нефтекамскын удмурт культурая нуналъёс ортчизы

"Арлы быдэ южтолэзе Нефтекамскын удмурт культурая нуналъёс радъясько. Толэзь ӵоже пӧртэм ужрадъёс, пумиськонъёс ортчытъяськом.Туэ ужмес тулыспал толэзьысен азинтӥмы, шуыны луоз. Анай кыллэн калыккуспо нуналаз диктант гожтонъя акция ялэмын вал. Нефтекамскъёс но отчы мыло-кыдо пыриськизы. Нош Нылкышноослэн нуналзы азьын «Ми – шудо семья» ужрад ортчытӥм," - гожтэ Нефтекамскысь удмурт огазеяськонэн кивалтӥсь Фируза Фаизова.