"Гуждор усьтон" концертын Вязовкаысь усточи апайёс кырӟазы

Вераны кулэ: удмурт кизилилэн Алёна Тимерхановалэн анаезлэн Ижын та нырысетӥез концертэз ӧвӧл ни. Нырысьсэ со нылыныз Алёнаен "Аксионын" ик ортчем фольклор ӝытэ пыриськем.

"Гуждор усьтон"-ын Алёна сузэреныз Аделинаен В. Бочкарёвлэн кылъёсызъя но крезьгурезъя "Ой, тулыс" кырӟанэз дуэтэн кырӟазы, нош куиньназы ӵош - "Хорошо,хорошо" ӟуч кырӟанэз. Анаезлы шумпотон луиз Алёналэн Анифа Тимерхановалэн кылъёсызъя "Зарни нылпиосы" выль кырӟанзэ быдэстэмез но. Алёналэн анаез кылбур гожъя мылкыдыз куремъя. Соос улонэз адӟо кырӟанъёс пыр - нылызлэн Алёналэн но эмеспиезлэн Иван Котельниковлэн тыршеменызы.

Башкир удмурт дӥськутэн триоез туж шунытэн пумитазы. Учкисьёслы кельшиз кык сузэръёслэн ӵош кырӟамзы но. Оло, кематэк кылдоз выль дуэт?