Мамадыос но толэз келязы

Мамады клублэн вотэс бамысь группаяз тазьы гожтэмын:

- Удмурт калыклэн улонэз ужаса но шулдыръяськыса ортчем. Удмурт калык – ужась калык.Cоослэн улоназы валтӥсь инты басьто бусы ужъёсын герӟаськем праздникъёс. Отын ӵемысь курыло кизем юоссы мед удалтоз шуыса, куро тазалык но шудбур. Куриськонъёс бере шудӥллям, кырӟаллям, эктӥллям. Вашкала сям-йылолъёс адямилэн вордӥськем дырысеныз кулытозяз соин ӵош вамышъязы. Соос калыкъёсты туж юн герӟало. Но тросэз вунэто ни ас калыкезлэсь историзэс, соослэсь сям-йылолъёссэс
Милям гуртамы но кылемын на трос пӧртэм сям-йылолъёс. Куд-огъёссэ Мамады калык али но туж гажаса ортчытэ. Вераны кулэ, Мамады гуртын Вӧй келян йылолэз арлы быдэ ортчытиськом. Клубмылэн азбараз портэм шудонъёс ортчизы туннэ нуналын. Чылкыт омырын пыжем табаньлэн зыныз но кужмо куараен музыка вань гуртлы гинэ ӧвӧл, бускель гуртэ вуытозь чузъяськиз