Туннэ Менсадык Гариповлы 75 арес тырмысал

Удмурт тусо но удмурт сямо. Нокинэн сураны луонтэм суредаськон манерен. Трос ужась. Вань малпанъёссэ суредаса кельтыны, оло, сыӵе дыртэм. Ваньмыз та кылъёс - Татышлы ёросысь Бальзюга гуртын быдэсмем улосчимы, РФ-ысь сӥё-дано, УР-ысь калык художник, Удмуртиысь кун премилэн лауреатэз, Удмурт кун университетысь профессор Менсадык Гарипович Гарипов сярысь. Туннэ дано улосчимес тодамы ваиськом. Та нуналэ солы 75 арес тырмысал.