Калыклэн сюлмыз кырӟаны куриськоз

«Туэ тросэз ужрадъёсмы онлайн амалэн ортчо. Конкурсъёсмы, концертъёсмы, нылпиосын шудонъёсмы интернет пыр радъясько», - вера Калтасы ёросысь Качкин-Турайысь клубен кивалтӥсь Алина Зидыганова. Таӵе воштӥськонъёсын сэрен ик гурт калык клублэсь огвакытлы пытсаськыса улэмзэ но ӧз шӧды, вылды. Гужем отын бадӟым тупатӥськон ужъёс нуиськизы.«Выжъёсты, ӧсэз, укноосты выльдӥзы, шунтон системаез тупатӥзы, фундамент кисьтӥзы», - шумпотыса вера клубен кивалтӥсь. Табере со гуртооссэ шуныт, югыт юртын пумиталоз. Клубен кивалтӥсь со понна ёрос администрациен азьвыл кивалтӥсьлы Ю. М. Садыровлы, культура ёзэтэн кивалтӥсьлы З. Т. Шамсутдиновалы тау каре.

(Пыр-поч лыдӟыны быгатоды газетмылэн куинетӥ декабре потэм номерысьтыз)

Ольга

НИГАМАТУЛЛИНА.