Чернушка ёросысь удмурт ныл онлайн-марафонэ пыриськиз

Отын 14-18 аресъем нылъёс но пиос вожвылъяськизы. Марафон куинь люкетлэсь сылӥз. Ужрадэз дасясьёс нырысь конкурсэ пыриськисьёслэсь удмурт кылэн, лулчеберетэн герӟаськем юанъёсъя визьзэс сыназы. Собере егитъёс мастер-класс возьматыса видео лэзьыны кулэ вал. Нош марафонлэн берпуметӥ люкетаз соослы гуртысьтызы тунсыко адями сярысь верано, со сярысь очерк гожтоно яке соин интервью дасяно луиз. Таяз конкурсын куинетӥ интыен пусъемын Пермь шаерысь Зверовоысь Анастасия Хазимардановалэн ужез.