Удмурт Элькунын туэ "Герберез" воштӥсь "Выль" шулдыръяськон но уз ортчы

Коронавирусэн герӟаськем кышкыт югдур та шулдыръяськонэз туэ дыраз ортчытыны ӧз лэзьы. Соин ужрадэз радъясьёс сое гудырикошконэ выжтӥзы вал. Со "Выль" нимаськысал, выль бакча сиёнъёсты сӥлы карон праздниклы пӧрмысал. Со но туэ уз ортчы. Вуоноез "Гербер" ужрад озьы ик Вавож ёросэ кельтэмын. Ӵапак та ёрос туэ кузё кариськыса пумитасал быдэс элькунысь но пӧртэм интыосын улӥсь удмуртъёсты. Витёме вуоно арысь "Герберез". Нош туннэ ваньзэ, мае будэтӥм бакчаямы, пыртыса пӧзьтом-сиём. "Выль", ""Виль", "Выль нянь", "Выль нянь сиён", "Выль нунал", "Элин" праздникен ваньдэс. Котькызьы мед нималозы пӧртэм интыын улӥсь удмуртъёс, валтӥсез - выль бакча емышъёсты веръян, выль нянь сиён.
Туспуктэмын: Вавож ёросысь Выль Бия гуртысь "Гербер" ансамбль.