"Тюрагай" фольклорно-этнографической ансамбльлы "калык" ним сётэмын

Со Бадӟым Гондырысь культура юрт бордын ужа. Ансамблен Ф. С. Гарифуллина кивалтэ. Тюрагайёсты трос пӧртэм ужрадъёсысь пумитаны луэ. Соос Пермь шаерын сяна, мукет регионъёсын но асьме калыкмес, кырӟан-эктонъёсмес яркыт возьматыны быгато. "Тюрагай" фольклорно-этнографической ансамбль "Играй, гармонь любимая!" передачае но пыриськылӥз ни. Нош та нуналъёсы Бадӟым Гондырысь культура юртэ шумпотымон ивор вуиз, соослэн ансамбльзылы "калык" ним сётӥзы.