Туэ Удмуртиысь вань ёросъёсысь но бускель улосвылъёсысь куноосты пумиталоз Вавож ёрос. Ӵапак татын вордскиз Кузебай Герд. "Выль" но "Гербер" праздникъёс форматсыя огкадьгес ик луозы. Удмурт праздникын удмурт культуралэн вашкалаез, алиез но вуоноез возьматӥськоз. Ужалозы пӧртэм площадкаос, ортчозы концертъёс, вӧсям ӝук но веръяны луоз. Праздниклэн оглом темаез - Вавож ёросысь воршудъёс. Выль емышъёсын ярмарка, Удмуртиын улӥсь мукет калыкъёслэн площадкаоссы - таӵеез "Герберын" ӧй вал на.