-11 °С
Салкым
Антитеррор
Вань иворъёс
Лулчеберет
29 апрель 2020, 12:00

Танго, сиртаки, тарантелла...

29-тӥ оштолэзь - Эктонлэн нуналызАрлы быдэ 29-тӥ оштолэзе Эктонлэн калыккуспо нуналыз пусйиське. Та праздникез ЮНЕСКО-лэн Эктонъя калыккуспо кенешезлэн кичӧлтэмезъя 1982-тӥ арысен ортчыто.

* Эктон кыл «tanz» немец кылысь потэмын ке но, со поляк кылысь асэстэмын. 17-тӥ даурозь Россиын «пляска» кыл гинэ кутӥськылӥз.
* Грециын сиртаки эктон тужгес паськыт вӧлмемын. Со 1964-тӥ арын «Грек Зорба» фильмез уськытон вакытэ малпамын. Сиртаки эктонэз Америкаысь актёр Энтони Куин малпаз.
* Италиын тарантелла эктонэз быдэсъяло. Со тарантулъёс трос улэм интыын вордӥськемын. Куке но адямиос оскылӥзы, эктонысь движениос тарантул куртчем адямилы чонари ядлэсь утиськыны юрттозы шуыса. Адямиез тарантул ке куртче, со тарантелла эктонэз быдэстыны кулэ.
* Аргентинаын но Уругвайын улӥсьёс одӥг малпанэ уг вуо: быдэс дуннелы тодмо танго эктонэз кинъёс нырысьсэ быдэстӥзы.
* Индиысь эктӥсь Каламандалам Хемаленте Гиннесслэн книгаяз пыртэмын. Со шутэтскытэк 123 час но 15 минут дыр ӵоже эктӥз.
* Балет тазалыклы кышкытлык ваись эктонэн лыдъяське.
* Перуын 400 арлэсь кема ни качыен эктон паськыт вӧлмемын. Сое киосазы кузь качыосын быдэсто.
* Китайын «Танец тысячи рук» эктонэз быдэсъяло. Отчы котьку 21 эктӥсь пыриське. Соослэн движениоссэс огӵош быдэсъямзы учкисьёслы одӥг кышномурт эктэм кадь адӟиське.
(Суред интернетысь басьтэмын).
Читайте нас в