+9 °С
Салкым
Антитеррор
Вань иворъёс
Лулчеберет
11 южтолэзь 2020, 23:30

Крезьгур пыр шулдыр мылкыд кузьмазы

Таиз ӝыт но аспӧртэм, тодэ кыльымон луиз

Татышлы ёросысь Вылысь Татышлыысь лулчеберетъя но шутэтсконъя центрын «Букет из самых нежных чувств» концерт ортчиз. Ёросысь культура удысын тыршись пиосмуртъёс, пичи нылъёс но пиос нылкышноослы крезьгур кузьым дасяллям. Залын пукись котькуд адями кык часлы аспртэм крезьгур дуннее вуылӥз. Шулдыресь кырӟанъёс, задор эктонъёс, серемес анектодъёс учкисьёслэсь мылкыдзэс ӝутӥзы.
Шумпотымон луиз мукетыз но: ужрадын удмурт кышномуртъёсты данъязы. БР-ысь удмуртъёслэн историяя но культурая центрысьтызы методист Ксения Милиятова Башкортостанысь Калыкъёслэн эшъяськон юртсылэн Тау карон гожтэтъёсыныз пусйиз «Ошмес» газетлэсь корреспондентсэ Анна Байдуллинаез, Выль Татышлы школаысь удмурт кылъя но литературая дышетӥсез Зинаида Зайнуллинаез, Арибашысь удмурт нылкышно клубен кивалтӥсез Лилия Гараеваез, Выль Татышлы школаын 11-тӥ классын дышетскисез Ольга Ахметзяноваез. Сюлмысь ӟечкыласьком! Азьланяз выль вормонъёс сӥзиськом.
Читайте нас: