Кырӟаны ярато нылъёс но кышномуртъёс

Номеръёс вискын гуртоосты Нылкышно праздникен ӟечкылаз Калмияр гурт поселенилэн тӧроез Фануз Иванов. Со сяна, та ӝытэ 50 ар ӵош улэм шудо кузпалъёслы – Иван но Раиса Байрамшинъёслы, Салим но Галия Шарифьяновъёслы - Фануз Касимович кузьымъёс сётӥз. Учкисьёс шуныт кичабонъёсын пумитазы нылпи садэ ветлӥсь нылпиослэсь, «Карамельки», «Соловушки», «Инвожо» ансамбльёслэсь, Светлана Мардамшиналэсь, Ирина Минлиаскаровалэсь, Жюлиана Иванова но Индира Шайсламова дуэтлэсь кырӟамъёссэс.

Мае возьматӥз конкурс? Кырӟанэн эшъясько нылъёс но кышномуртъёс. Ужрад 8–тӥ южтолэзь азьын ортчиз бере, «Инвожо» ансамбльысь нылъёс пиосмурт дӥсен «Ой тӥ, чебер нылъёс» кырӟанзэс сӥзизы асьсэлы, кышномуртъёслы. «Вань концертъёсы нылкышноос гинэ пырисько. Воргоронъёсты сцена вылэ поттыны туж секыт», шуо соос.