Нылкышноосты сӥлы карыса но данъяса

Кинъёсын, нылкышноосын ке ӧд, нылкышноослы сӥзем ужрад ортчытод? Вязовка культура юртын но библиотекаын ужасьёс калык люканы паймыса уг уло, "Уӵы ныл" ансамбле ветлӥсьёсты ӧтё. Соос бускель кышнооссэс, тодмооссэс сьӧразы вазё. 8-тӥ мартлы сӥзем "Весенняя мозаика" ужрад но шулдыр но капчи ортчиз. Кышномуртъёс клубын ужасьёслэсь кырӟам-эктэмзэс учкыны но ярато, асьсэос но соослэсь бере уг кылё: кырӟалозы-шудозы, задор мылкыд кузьмалозы. Библиотекаын ужась Марита Васильева 8-тӥ мартлы сӥзем выставкаеныз тодматӥз. Шудыса жадем бере ӵош пукыса, вераськыса чай но ческыт кошке, нош туспуктэмъёс историе кылё.