Зыретэн табань сиёме-а?

Вӧй праздникез сӥлы карыса, таяз арняе табань, мильым пыжиськом. Нош кин ке зырет лэсьтылэ на меда? Ӵектӥськом табаньдэс веттылыса сиыны куинь турлы зырет. Аслад пӧрамед сотэк но ческыт, нош зыретэн - кылдэ ньылод!

Нырысетӥ рецепт вӧлмемын Башкортостанысь Татышлы ёросын.

Ӝыны литр йӧллы кулэ луоз вить курегпуз. Йолэз шунтоно, быректытоно ӧвӧл. Отчы сураса азьпаласен шуккем курегпузъёсты кисьтоно. Дугдылытэк пичи тылын напчытозяз сураса возёно. Тыл вылысь басьтэм бере но сӥятозяз сурамысь дугдоно ӧвӧл. Ватсано нӧкы вӧй но сылал.

Кыкетӥез. Тыл вылын шунась йӧл пушкы вуэн яке йӧлын ик кизертэм пызь шуккиськод, напчытозяз сураськод. Ватсаськод нӧкы вӧй но сылал. Кельше французъёслэн Бешамель соуссылы.

Куинетӥез.

Картошкаез нелькон азьын сугонэз юдыса соксэ поттоно но картошка пӧлы ватсано. Картошкаен ӵош умой-умой нельконо. Кизертон понна нӧкы вӧй но быректэм ву ватсано.

Читайте нас:

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91