Вордскем кыл - со...

Анай кыллэн нуналэзлы сӥзьыса, быдэс дуннеын пӧртэм ужрадъёс ортчизы. 21-тӥ тулыспалэ котькудӥз ас кылзэ нуллӥсь но азинтӥсь солэн вуоноез сярысь малпаськиз, ас азяз "Ма мон карыны быгато, со медаз ыш" шуыса юан пуктӥз, дыр. Татышлы ёросысь удмурт кышномуртъёслэн "Эшъяськон тугоко" клубзы но тунсыко ужрад ортчытӥз, Уразгильды, Арибаш, Бальзюга, Майск, Бигиней, Калмияр гуртъёсысь апай-кенакъёс удмуртъёслэн историяя но лулчеберетъя центразы литературалы сӥзем ӝытэ асьсэ яратоно кылбуръёсынызы лыктӥзы.

Та центрысь валтӥсь ӧнерчи Ирина Самигулова, ужрадэз усьтыса, валэктӥз, мар со вордскем кыл со понна, вакчияк тодматӥз удмурт кышномурт поэтессаослэн творчествоенызы. Пумиськонэ котькудӥз лыктэм кышномурт аслэсьтыз "вордскем кыл" валатонлэсь пуштроссэ усьтӥз. Ужрад пуштросо но сюлмез вырӟытӥсь пӧрмиз. Азьпаласен вераськытэк но, луиз озьы: ужрадын кылбуръёсын но, кырӟанъёсын но "анай" кыл ӵемгес пумиськиз.

Озьыен: вордскем кыл кутске анай бордысен, анай йӧл пыр пыӵа ас кылдэ, калыктэ яратон мылкыд. Удмурт кылмы асьмемыз дышетэ, валтэ, яратытэ, мӧзмытэ, кужмо каре, азьпаллы оскон сётэ. Яратоме, утёме, азинтоме сое!

Читайте нас:

Учредитель: Агентство по печати и средствам массовой информации Республики Башкортостан

Регистрационный номер: Свидетельство ПИ № ТУ02-01536 от 6 июня 2016г. Главный редактор: Нигаматуллина Оля Борисовна

Газета "Ошмес" - общественно-политическая, социальная, культурно-просветительская газета удмуртов Республики Башкортостан.

Телефон

Телефон+7 (34778) 2-11-89, 2-18-71

Электронная почта

[email protected]

Адрес

452830, Республика Башкортостан, Татышлинский район, с. Верхние Татышлы, ул. Ленина, д. 91