-11 °С
Салкым
Антитеррор
Вань иворъёс
Лулчеберет
20 февраль 2020, 14:05

"Лыкты, мусое"

Та бигер кылысь берыктэм кырӟанэз Татышлы ёросын тодӥсьтэмез но ӧвӧл кадь. Камсьӧр удмуртъёслэн кырӟан репертуаразы со "Таныплэн но ярдуръёсаз" нимын ветлэ. Кин сое берыктэм, ку, тодмо ӧвӧл. Кырӟан сярысь юалляськыку, бигер кылысь ӧвӧл со, удмурт кырӟан шуисез но луиз. Бигер кылын со сыӵе тодмо кырӟан но, оло, ӧз луы. Нош камсьӧр удмуртъёс сое асьсэлы каризы. "Килче, гузэлем" нимаськись кырӟанэз Зухра Шарифуллина быдэстэ. Солэн ик "Су буенда учак яна" кырӟанэз но удмурт кылэ берыктэмын. Алигес та кырӟанлэн кыкетӥ берыктэм вариантэз, "Лыкты, мусое" нимын, кылдӥз.

Лыкты, мусое.
Кылъёсыз калыклэн, крезьгурез Айрат Гайсинлэн
Берыктӥз Анна Байдуллина
1.Ты дурысь но камышъёс
Туж зол шаугето.
Яратонтэк адямиос
Чик уг быгато.
П-в: Лыкты, лыкты, мусое
Лыкты ни дорам.
Чиге, чиге сюлэмы
Мӧзмон дыръёсам.
2.Ты дурысь но бадьпуос
Шыпырто вуэн.
Бордад думиз яратонэд,
Ӝуасько тылэн.
3.Сюлмам возем кылъёсме
Бадьёсы кылзо.
Дорам лыктон сюрестэ
Сяськаен вӧлдо.
Читайте нас в